السلام عليكم 💜
🎥
تنسيقي دا المفروض يكون للعيد بس ما حصل و لبستو
و مرراا حبيتو لانو بسيط بس الخرز و الفصوص مخلينو انيق ✨✨
و لونو كمان بيبي بنك و نود فمراا داخل مزاجي 🙆🏻
. . . نبدأ
The Style || التنسيق
 |
| Kimono: ELLE collection Top: Splash |
طبعا التنسيق كلو كان يعتمد على الكيمونو لانو ناعم و طويل
🎀 شغل الخرز و الفصوص معطي منظر يجنن
التوب من جوا اعتمدتو ابيض بس منو و في نقش خفيف مو باين مرا
( غمقتو في الصورة عشان يبان )👇🏼
لبست معاهم جينز غامق هاي ويست 👖
 |
| Jeans: MANGO |
. . . . . . .
Accessories || الاكسسوارات
الاكسسوارات طبعا زي ماهو باين ما كترت لانو اللبس ما يحتاج ولا حيسير اوفر 💁🏻
و طبعا لازم ادخل حاجة لولو في اللبس ولا احسو ناقص 👀😍
ف دخلت الحلق و الخاتم 👐🏼
احب دايما البس اسورة صغيرة جمب الساعة احس يسير المنظر احلى 🙈✨
و لبست الاسورة الذهبية ناعمة من اتش & ام
الخواتم و الحلق من سنتر بوينت 👐🏼
. . . . . . .
Heels & Bag || الكعب و الشنطة
الهيلز دا حطفشكم بي من كتر ما احبو 😍😍
يعني مريح و لونو و ستايلو كلهم الاشياء الي احبها 👐🏼💜
اخدتو السنة الي فاتت من سترادافارويس بس اكيد حتلاقو زيو في محلات تانية لانو موضتو لسى 👍🏼
الشنطة ما افتكر من فين بس انها نفس شكل شنط فيندي و اخدتها ابيض
لون الهيلز نود ف مراا حلو طالع شكلو و الشنطة بيضة ف كاسرة شويا لون البنك 😅✨👍🏼💜
. . . . . . .
وبس ان شاء الله يكون عجبكم التنسيق دا
القطع اغلبها اخدتها وقت رمضان ف ممكن تلاقوها دحين لسى او في التخفيضات
و فكرت اعمل نفس حركة الفديو دا في بداية كل بوست عشان يبان اكتر اللبس 🎥
اش رايكم؟
و سلاام 👋💜
No comments:
Post a Comment