Eid collection || تنسيقاتي للعيد 💐💜

 كل عام و انتو بخير و عيد سعيد عليكم 💜💜✨

  رمضان كان المفروض انزل تنسيقين زيادة بس وقتي ما كان يسمح 🙂💔

ف دحين البوست دا مليان حاجات حلوة و تنسيقاتي لملابس العيد 😍

احنا عيدنا ليلة العيد و ٤ ايام كمان 

السنة دي ملابسي كنت ماخدة فكرتها من انستقرام

بس بعدت عن الافكار المكررة لاني اتوقع اني عارفة اش حشوف السنة دي من ملابس 🌚🌚👋

انا عني كل سنة ستايلي يختلف في العيد ما البس بنفس الشكل 👌🏼✨

. . . . . . . . . . . . . . . . . . . . 

( الملابس محا احطها بترتيب الايام حتكون عشوائي )

... ف ابدأ يلا 💜

Jumpsuit: stradivarius

انا اعشق الجمب سوتس بكل الاشكال بس ولا مرة لبستو في العيد

دا عجبني رسمي و الربطة حقو ححطها على جمب مو في النص

دا قماشتو قطن بس خفيف حلو بارد و الكم حيران ولا بعضكم يقولو كم نص نص 

و البنطلون وااسع يطلع شكلو رهيب مع الكعب زي كدا 

Choker: ALDO
Rings: Global village 
bracelet: H&M
Heels: stradivarius

الاكسسوارات ما حبيت ادخل حاجات كتير عشان يفضل مرتب

حلبس التشوكر في خرزات بيبي بنك عجبتني 💜💜✨

و الكعب اخدتو السنة الي فاتت بس هوا اكتر واحد ناسب اللبس دا

الاسورة شي ناعم او ممكن ما البسها😝💁🏻

. . . . . . . . . . . . . . . . . . . . 

Blouse: CenterPoint ELLE collection 
Trousers: ZARA

اللبس دا تاني اكتر لبس حبيتو للعيد 😍😍

احسو مراا عملي و رسمي و كشخة مدري 😂✨

المهم البنطلون دا الي يجي ميد مو كامل على كل الرجل زي كدا

ZARA wesite

حبيت الفيونكة و اللون طبعا عالم تاني 💜👌🏼

و البلوزة الياقة حقها عجبتني و اللبس كلو  خفيف مو متعب تقدري تتحركي و كدا 🌚🙈👍🏼

ٍRing: the mall
Earring & Bracelets: H&M
Heels & bracelet: CenterPoint

اللبس زي ما شفتو ما يحتاج سلسة نهائي ف عوضتها في الحلق

الحلق مرررا حبيتو الوردة حجمها حلو تجي من ورا الاذن

الاساور قلت البس اتنين ذهبي و فضي محا يشوه الشكل بالعكس 👌🏼✨

الخاتم من المول و الاسورة الي فيها وردة فان كليف من سنتربوينت حلبسها مع الساعة🌚💜

لازم الزحمة شويا 😝💁🏻

و الهيلز السنة دي مو عاجبني شي اكترها نفس السنة الي فاتت زي النود الاول حقي 🙄

ف اخدت الابيض لانو عندي اسود كتير و نود 💜✨ 

و اهم شي طول كعبو حلوو مو قصير ولا طويل مريح في المشي 🙈

. . . . . . . . . . . . . . . . . . . . 

Blouse: MANGO
high waist skirt: Femi9

اللبس دا بالصدفة اشتريتو و سار اكتتررر لبس احبو للسنة دي 😩💜💜💜✨

 البلوزة موديلها مرررااا عجبني دا رابطو في الموقع عشان تشوفو شكلها عدل 💁🏻

التنورة هاي ويست و لونها الكحلي شي شي 😍

التنورة شفتها اول شي في حساب دانا الحسن على الانسقرام هنا

البنت دي احب تنسيقاتها كلها تعجبني مرااا حتى لو كان شي غريب ذوقها حلو ما شاء الله  😍

هيا نزلت من فترة ف ما جا في بالي انو حلاقيها في المحل 

اول مالقيتها عيوني سارت قلوب و نجوم😍✨✨

دا تنسيق دانا  للتنورة 👇🏼

 عجبني تنسيقها بس انا ما ناسبني الابيض ف خليتها اسود البلوزة

و السلسة والله بالصدفة دوبني انتبه انو نفسي حقي 🙀😍💜

الحلق نفس السلسلة لونها عودي على شكل وردة 

و الاسورة عجبتني انها وجهين 👐🏼

و طبعا مع هيلز اسود المن يومتها و اشوف اي شكل يناسبو اكتر 💜

. . . . . . . . . . . . . . . . . . . . 

Dress: ZARA

الفستان مرااا ناعم و هادي حبيت اخلي كدا ما ازود حاجات مجنونة عليه 😝

الفستان موديلو واسع موو ماسك و قصير شويا فوق الركبة

فلبس تحتو الشراب الكامل لون اسود 💁🏻 

Earring: CenterPoint
Rings: the mall
Choker: ALDO

الفستان ناعم فخليت الاكسسوارات كلها لولو ابيض و بيبي بنك

اللبس دا حسيت اني راقية بزيادة ليش مدري 😂💔

الهيلز حيكون اسود و عالي شويا 👠

. . . . . . . . . . . . . . . . . . . . 

Dress: MANGO

عاد لتنسيق دا استوحيتو من وحدة مشهورة و فلم مشهور 🌚✨

Breakfast at Tiffany's - Audrey Hepburn

دي وجها محطوط في كل مكان و لبسها عاجبني مراا كلاسيك و انيق 💜💜✨

ف اخدت الفستان الاسود دا من مانجو ماسك ع الجسم 👍🏼

Earring: CenterPoint
Bracelet: H&M
Choker: the mall

طبعا أودري لابسة سلسلة لولو و فصة الماس كبيرة انا بدلتها بشي بسيط 👐🏼

و كانت لابسة حلق الماسة كبيرة انا حلبس لولو معاه 💜✨

هيا مو لابسة اساور بس لابسة قلفز (قفازات) ومستحيل البسها هنا 😝🙈

حلبس بدالو اسورة ذهبية بسيطة مع اسورة لولو وبس 💜✨

. . . . . . . . . . . . . . . . . . . . 

و بكذا أكون خلصت تنسيق ملابسي للعيد هوا في لبس ما صورتو لاني ما عرفت اصورو 😅

بس ان شاء الله تكون عجبتكم ملابسي و تنسيقاتي 😘💐