السلام عليكم 💜✨
العيد كلو و انا مشغولة اليوم فضيت عشان انزل البوست دا 😝
المفروض انزلو الاسبوع الي فات بس ما فضيت نهائي🌚👐🏼
المهم الاسبوع الي فات رحت زواج و انا لازم فساتيني كدا فيها ترتر ولا الاكسسوار ✨👀
... يلا ابدأ 👇🏼
الفستان || Dress
. . . . . .
الفستان اول ما لبستو كان تقيل 😂
بس مراا حلوو مو ماسك ع الجسم بس ماسك والله مدري كيف اوصفو 🙈💜
قماشو كلو بالترتر و الخرز من فوق لتحت ف الطبيعة شكلو مراا حلوو ✨💜
الظهر الفتحة مو كبيرة مرة زي مو باين في الصورة
الفستان اخدتو من دبنهامز السنة الي فاتت
من ماركة d é b u t ✨
اقدر اقول الماركة دي لقطة يعني اسعارهم معقووولة و جودتها تجنن
و فساتينهم انتي و حظك مرات ينزلو حاجات حلوة مرات حاجات عادية 👐🏼
انا لمن شفت دا اتجننت عليه 😍✨
و اخدت مقاس ١٠ لانو ما لقيت ٨
قصرتو عند الخياط و صحبتي عدلتلي الجوانب 👍🏼🌸
. . . . . . . . . . . .
الاكسسوارات || accessories
. . . . . .
 |
| Clutch purse: Monsoon accessorize Heels: BETTER |
الكلتش لها سلسة برضو اقدر اشيلها ع الكتف
و تكفي مكياجي كلو 🌚✨
يعني الروج البلشر الايلاينر الكحل و الجوال 🙆🏻
الكعب اخدتو من محل في سوق الشاطئ☝️
الماركة دي كعوبها و الفلات حقها مريحين بشكل و اسعارهم 👌🏼✨
اتوقع كمان موجودة في مجمع الشرق 💁🏻
الكعب مو عالي مرة يعني طولو وسط و مريح ما يتعب
يعني قومي ارقصي و روحي و ارجعي و محا يوجعك 🌚👍🏼💃🏻
الحلق من فورايفر٢١ ✨
الخواتم ما افتكر
و الاسورة اليمين و الي مع الساعة من القرية العالمية من دبي بس تلاقوها في محلات اكسسوارات الفضة 👐🏼✨
ما لبست سلسة لانو ما يحتاج 💁🏻
عملت شعراتي كلو فير و بس 💆🏻
و اللبس في الاخير ناعم و فخم ✨👗
الفستان محا يعجب بنات كتير بس انا من البنات الي يحبو الزبرقة ✨
يا في الفستان يا الاكسسوارات👀
ان شاء الله عجبكم و سلاام ✨💜💜
No comments:
Post a Comment