السلام عليكم
رمضان كريم 🌙💜
كل عام و انتو بخير وبصحة و سلامة 💐
اولا انا من البنات الي ما يحبو يلبسو جلابيات مو بس رمضان اي وقت 😶
عشان كدا حبيت انزل تنسيقي للبس دا مع جينز
هوا الجكت دا طلع مع جلابية لونها ذهبي مرررة عادية ما دخلت مزاجي
و جا معاهم الحزام 👍🏼
اول شي انا جاتني الفكرة من فديو البلوقر أميرة 💜
دا رابط الفديو عشان تشوفو 😍🎥
و نبدأ ...
زي ما قلت الجكت طلع مع جلابية ذهبية عادية جداا جداا
اخدتو من الفريدة فرع مجمع العرب و لهم كذا فرع في جدة غيرو
ف غيرتها و لبست معاه قميص ابيض من سترادافاريوس
و لبست عليه جينز هاي ويست من فورايفر٢١
ربطت الحزام على الجينز 🎀👖
( سوري مافي صورة كاملة للبس بس حقي المانيكان ما يساعد ": )
و بعدين الاكسسوارات 👠👛💍
الشنطة من كوتش لها حبل طويل و حجمها حلو 💜🎀
الفلات اللول اخدتو من القرية العالمية في دبي من القسم الهندي 😍😍
اعشق اللولو بشكل مو طبيعي في كل شي اول ما شفتو اخدتو بدون نقاش ولا تفكير 😝✨
الارنب التعليقة دا نا ابيعو 🐻💜
لبست اكسسوارات خفيفة لانو زي ما شفتو الجكت مليان زخرفة و الوان فوقو الاكمام
فما يحتاج اضيف زحمة زيادة 😅🙄
لبست ساعتي الرولكسية ⌚️
و حلق ذهبي تجي الفصة الكبيرة من ورا الاذن نازلة
مدر ي كيف وصفي بس مشو 🙈😂
و خواتم ٣ الوان روز و ذهبي و فضي و اسورة حمرة جاتني هدية من صحبتي من لبنان ✨
و بسس اللبس طلع مرراا فخم و جمييل 😍🎀
ان شاء الله يكون عجبكم 💜✨
و سلاام 👋💜🌙
No comments:
Post a Comment