السلام عليكم
رمضان السنة دي مر بشكل سريع ما اعقتد احد حس بي صح؟ 🙀💔
. . . . . . . .
حبيت انزل الموضوع دا اكيد في كدا وحدة حتستفيد حتى لو نقطة 😚
دي عنايتي قبل العيد انا ابدأ ارتب وضعي من تاريخ ٢٨ رمضان 👌🏼
هيا تقريبا نفس عنايتي اليومية و الاسبوعية بس بشكل مكثف اكتر شويا
حبدأ معاكم بالترتيب
. . . ف يلا ابدأ
٢٨ رمضان || Ramdan 28
في اليوم دا اول حاجة ابدأ اغسل وجهي بمقشر بيوديرما الي لونو اخضر
( للبشرة الدهنية و المختلطة )
يوم استخدمو و اليوم التاني استخدم الغسول ما ينفع استخدم كل يوم المقشر خطأ
انا استخدمو يوم ايوا و يوم لا لانو دكتورة الجلد قالت كدا و كتبتلي الغسول دا
مرااا بشرتي جاتها فترة اتعدمت بس مع دا اتزبطت 💜💜✨
بعد ما انشف وجهي بالطبطبة ارش مويا ورد على وجهي باردة 😍🌸
بعد ما انشف وجهي بالطبطبة ارش مويا ورد على وجهي باردة 😍🌸
 |
| العلبة من دايسو |
بعدين بعد العصر ابدأ اشيل واكس كل جسمي 🙈
انا ما استخدم فيت استخدم الجهاز المنزلي الي يسخن الواكس و لو قوالب
بس برضو من الي انت تحطي على جسمك بأعواد لا جهاز كأنو براون في رول يتحرك
نسيت اصورو للأسف 😫
بعد الواكس احب امشي على جسمي بجهاز بروان العادي
بس عشان الشعرات الصغيرة لاني ما استحمل منظرها 💁🏻✨
و ادهن جسمي زيت زيتون بعدها عشان باقي الواكس يروح و اخد شور عادي
و اقشر رجولي بكريم كاب مع شويا ملح الحليب بعدين بالحجر عشان لمن اسوي اظافري
يعني شامبو و صابون و مويا و بعدها ارطب جسمي
يعني شامبو و صابون و مويا و بعدها ارطب جسمي
احب استخدم مرطب جيرجنز او أفيينو
بعد ما اخلص اعطر جسمي ببخاخ جسم من باث اند بودي احب الاتنين دولا سوا الريحة تطلع فخمة 😫💜💜✨
 |
| centre: Carried away right: be enchanted |
بعد الفطور اروق شويا و بعدين اكمل 👐🏼
احط اول شي ماسك لوجهي
اكمل اعمل اظافري 🌸💅
يسير اتنين في واحد ✨👌🏼
تنظيف الاظافر شي اساسي عندي كل اسبوع💅
احط مزيل الكيوتيكلز حولين اظافري و استني دقيقة عشان يلين الجلد
( تقدري تستخدمي زيت زيتون او مويا دافية بدال المزيل دا مو شرط 👆 🗣)
Vلمن يلين استخدم الاداة الموفيه راسها زي حرف
انزل الجلد على بدا مو على جوا عشان لا اجرح نفسي 🤕
الحديد استخدمها لرجلي عشانها عريضة
بس انتبهو تستخدمو اداة حديد لمن تدفي جلدتك
لانو يجرح الظفر يسير منظرو مشوه 😓
عشان كدا استخدمي الخشبة الي في النص 👌🏼
الجهة الفلات ( الي من تحت ) هيا تدفي بيها الجلد
بس بشويش بشويش لا توجعي نفسك ☝️
و بنفس الخشبة الجهة البوز انظف بيها تحت الظفر
بعدو اقص اظافري بالمقص العادي و المقص المايل اقص الاطراف الزايدة
و اخيرا ابرد ظفري بالشكل الي ابغاه 💅👀
و اعمل تقشير ليدي كريم كاب و ملح الحليب
و بالفرشة حق الاظافر اغسل تحت اظافري 🙆🏻
دا طريقة وحدة تنظف اظافرها لو تبو فديو
و قبل ما تنامي ادهني يدك شويا زيت زيتون عشان ما تنشف 👌🏼✨
اخيرا و ليش اخرا افرش فراش غرفتي الجديد 😍
اكتر لحظة احبها ليش مدري 😂💜✨
 |
| Bedcase: Debenhamz |
قبل ما انام لازم اشيل الوبر الي في وجهي بالمشقرة
انا دايما اسويها وما عمرو عرض شعري ولا شي لحد يضحك عليكم
استخدمو صح عشان تسير بشرتكم نظيفة و الميك اب يطلع انظف و انظف
دا رابط كيف و فين تشيلي عشان لا تعدمي نفسك
اليوتيوبر دي احبها اكتر وحدة و اوثق في كل كلمة تقولها
و كدا خلصت عناية و تجهيزات ٢٨ رمضان ✨🌸🎀
. . . . . . . . . . . .
٢٩ رمضان || Ramdan 29
عاد دا اليوم الحاسم عيد ولا مو عيد 😂💜
بما انو ٢٨ اتروشت عادي و شلت واكس يجي دور الحمام الطويل 🌚✨
انا عاملة علاج لشعري ف استخدم شامبو و ماسك و سيروم معينين
صراحة ما عمري رحت صالون سويت حمام مغربي 😅
بس لقيت البديل 👀
 |
| من محلات نزيه حق الصوالين |
مكتوب عليه طريقتو سهلة يطلع معاه القفاز حق السنفرة
و في منو ٣ روائح ما فرقت بينها كتير بس لون دا عجبني 🌚💜💜✨
اول مرة اجربو بس كل من جربو مدحو ف متحمسسسسسسة اجربو 💃🏻💃🏻
الي ما عندها و لا جربتو ولا تقدر تنزل تشتري
في بدالو شي كنت حعتمدو لو ما لقيت الصابون دا
سكراب القهوة ☕️
ملعقة ونص قهوة مطحونة
ملعقة ملح
ملعقة و نص جوز الهند
ملعقة سكر بني
قلبيهم سوا و حطي نقطة مويا مو يسير سايل مرررا يسير كانو عجين ☕️
بلبلي جسمك و استخدمي و استمتعي بريحة القهوة الي تدوخ 😍😍
و كملي شورك عادي 🎀
يومتها احب اترطب بشي معطر من باث اند بدي و كمان مع العطرين
لمن اخرج من الشور احط لوجهي و يدي و رجولي ماسك 🌸
 |
| دا يجي زي الشراب و القفارات |
اخليهم كدا ابو ٢٠ دقيقة و الباقي اعمل مساج على يدي و رجلي و وجهي
بعد ماسك وجهي احط كمادات لتحت العين 👀✨
لمن اشيلها برضو اعمل مساج مكانها عشان البشرة تمتص الباقي 🙆🏻✨
و بكذا اكون خلصت عناية ٢٩ رمضان و استنى يقولو عييد 😂✨💃🏻
. . . . . . . . . . . .
بس بديكم حاجة زايدة
الترطيييييييييب 👇🏼
دايما رطبو يدكم و شفايفكم وجهكم و رجولكم عشان تبعدو القشرة
و الجلد القاسي و الخطوط الي تطلع 💁🏻✨
انا استخدم الحاجات دي بشكل يومي تقريبا
فازلين: للشفايف و يدي لون وردي خفيف حلو 🌸✨
كريم اليد باللوز من ذا فيس شوب: احلى شي اليد تمتصو بسرحة 💜
كريم بيبثانين: استخدمو لوجهي بعد التقشير عشان لا ينشف احط نقطة في كل خد و على الجبهة💜
لانو لو كترت يدهم و انا بشرتي اصلا مختلطة بس هوا كويس لكل انواع البشرة و يمتصو الوجه بسرعة
موية الورد او مويا من لا روش بوساي : ماحسيت فرق بينهم صراحة بس احس استخدمهم طول الوقت💜
باردين كمان عشان يعملو ريفريش للوجه 😍✨
. . . . . . . . . . . .
ان شاء الله استفدتو حتى لو شي بسيط حبيت اشاركم عنايتي ممكن وحدة تضيف شي لنفسها 🙆🏻✨
و بس سلاااام💜✨
No comments:
Post a Comment