|| High Street Style 👖✨

السلام عليكم 

تنسيقي دا يناسب جمعة بنات اكتر شي و قطعو تقريبا اساسية في دولاب كل بنت زي ما شفتو الفديو

حبيت التنسيق انو بيسك و كشخة بدون مبالغة 👐🏼💜

. . . نبدأ

The Style || التنسيق

Vest: OXXO
Necklace: Forever21

Top: H&M

السديري طبعا تعبت و انا ادور طويل 😩

فقدت الامل اصلا اني الاقي بس لقيتو في مجمع العرب في محل 

OXXO

ما لقيت سمول اخدت ميديم 🌚👐🏼 

المهم انو طويل المن الركبة ينفع للسفر كمان 👍🏼💜

و البلوزة كت اسود اخدتها من فترة طويلة من اتش اند ام الي ميزها دي الخرزات الفضية و الطبقة الخفيفة

ادتها منظر حلو ✨💜

Leggings: MANGO

 💁🏻 لبست معاه ليقنز اسود كنت حلبس جينز غامق هاي ويست بس غيرت 

. . . . . .

 Accessories || الاكسسوارات

Brooches: Global village (Dubai)

اشتريت السديري سادة بالعاني عشان اقدر احط عليه الي ابغاه

و قلت اغير عن السلاسل ف حطيت بروشات اخدتها من القرية العالمية✨💜

Watch: Michael Kors
Rings & Earrings : Forever21
Silver bracelet: H&M

لبست معاهم اكسسوارات بسيطة و حبيت ادخل الفضي و الذهبي 🔱❕

. . . . . .

Shoes & Bag || الجزمة و الشنطة

Bag: NewLook
Shoes: PULL&BEAR

الشنطة كروس و لونها فضي اتجننت عليها لمن شفتها في الموقع

اخدتها السنة الي فاتت و لمن نزلت ادور عليها قعدت شهر المن نزلت عندنا و اخدتها 😩✨💜💜

الشوز في منو لونين الرمادي دا و عودي 😍👌🏼

و مريح في المشي 🚶🏻

. . . . . .

ان شاء الله يكون عجبكم التنسيق 🙆🏻💜

*حابة اوضح حاجة انا اغلب قطعي تكون موجودة عندي من فترة طويلة ف ما تلاقيها في السوق و الي يعجبها شي اكيد لو دورت السوق حتلاقي شبهو و نفس الفكرة  ✨💜🌸 *

و سلااام 💜✨